Dest do të rikthehet te Barcelona
Sergino Dest do të rikthehet te Barcelona pas përfundimit të sezonit aktual.
Sipas ekspertit të transferimeve, Fabrizio Romano, Milani nuk do të aktivizojë opsionin e blerjes të mbrojtësit për 20 milionë euro.
Dest po e kalon këtë sezon si i huazuar në “San Siro”, por nuk ka arritur të bindë krerët e klubit. Ai në total ka regjistruar 14 paraqitje në të gjitha garat. Paraqitja e tij e fundit ka qenë në janar.
Kësisoj, reprezentuesi amerikan do të duhet të rikthehet në “Camp Nou” para se të merr vendimin e radhës.
Vendimi për hapin e ardhshëm të karrierës së tij thuhet se do të merrt në muajt e ardhshëm.
22-vjeçari me Barcelonën ka kontratë të vlefshme deri në verën e vitit 2025.
Megjithatë, duke parë skuadrën që po ndërton Xavi dhe konkurrencën në fazën e mbrojtjes, vështirë të mendohet se Dest do të jetë pjesë e planeve të tij.
