Depay nuk del në stërvitje me Barcelonën

Memphis Depay nuk stërviti këtë të mërkurë pasdite me Barcelonën disa orë pasi trajneri Xavi Hernández tha se do të fliste me të për të ardhmen.

“Për momentin nuk kam asnjë lajm për të, por e kuptoj që situata është e komplikuar.

Nuk është e lehtë për të. Unë do të flas me të dhe nëse do të largohet, do të kërkojmë zgjidhjen më të mirë, por tani për tani po llogaris tek ai për gjithçka”, ka shpjeguar Xavi.

Pa ditur arsyet e mungesës në stërvitje – klubi nuk ka nxjerrë ende një raport mjekësor dhe gazeta AS flet për ‘rebelim’ për të detyruar largimin dhe thashethemet për të ardhmen e tij shtohen.

Atlético Madrid është vënë në dukje si destinacion pas largimit të Joao Felix.