Demaku takohet me bashkëluftëtarët: Do të punoj për të garantuar një të ardhme më të mirë për ata që sakrifikuan për vendin tonë
Kandidati për deputet nga PDK-së, Fadil Demaku i cili në listën zgjedhore mban numrin 19 sot ka vizituar Shoqatat e Dalura nga Lufta, dega në Drenas.
Përmes një postimi në llogarine e tij në Facebook, Demkau tha se do të angazhohet “për të garantuar një të ardhme më të mirë për të gjithë ata që sakrifikuan për vendin tonë”.
Postimi i plotë:
Sot, në Shoqatat e Dalura nga Lufta, dega në Drenas, pata nderin të jem në mesin e bashkëluftëtarëve të mi, ku ndamë momente të veçanta dhe diskutuam mbi vështirësitë dhe shqetësimet e tyre.
Isha i nderuar nga mbështetja e tyre dhe u zotova se do të jem zë i fuqishëm në mbrojtje të vlerave të luftës së UÇK-së.
Bashkë, do të vazhdojmë të punojmë për të garantuar një të ardhme më të mirë për të gjithë ata që sakrifikuan për vendin tonë.
