De Jong e pranon: Nuk di si të ndalet Messi
Mesfushori i Holandës, Frenkie de Jong, ka luajtur së bashku me Lionel Messin tek Barcelona, por ylli holandez e pranoi se “nuk di si të ndalet ai”.
De Jong foli para gazetarëve kur u pyet nëse ai di si të ndalet sulmuesi argjentinas, që cilësohet si një nga lojtarët më të mirë në histori, duke thënë: “Unë e njoh atë por nuk di si të ndalet. Ai po e bën dallimin qe 15 vite dhe nuk asnjë mënyrë si të ndalet. Ne duhet ta ndalim atë si ekip. Ne nuk i kemi shkruajtur njëri-tjetrit. Ne do të shihemi të premten”, tha De Jong, shkruan GOAL.
Për rrezikun që vie nga lojtari i kryesor i Argjentinës foli edhe trjaneri i Holandës, Louis van Gaal, që tha se “Messi është lojtari kreativ më i rrezikshëm. Ai është në gjendje të krijojë shumë raste dhe të shënojë, por kur ata e humbin topin, ai nuk përfshihet shumë. Kjo na jep mundësi”, përfundoi strategu holandez.
Argjentina dhe Holanda do të përballen të premten me fillim nga ora 20:00 në qerekfinalen Kupës së Botës në Katar. /Periskopi/
