David De Gea ‘rikthehet’ në futboll pas një viti, nënshkruan me klubin italian
Portieri spanjoll, David de Gea, një vit pas largimit nga Manchester Unitedi është bërë me klub të ri.
Të premten skuadra italiane Fiorentina ka njoftuar se ka arritur marrëveshje për transferimin e portierit David de Gea.
De Gea ka nënshkruar kontratë njëvjeçare me mundësi vazhdimi edhe për një vit tjetër, shkruan “Gazeta Express”.
Paraqitja e fundit për De Gean ishte në finalen e FA Cup në vitin 2023, në disfatën e Manchester Unitedit nga Manchester City.
De Gea iu bashkua Unitedit nga Atletico Madridi në vitin 2011 dhe bëri 545 paraqitje gjatë qëndrimit 12-vjeçar në “Old Trafford”.
