Dani Alves kërkon të dëshmojë sërish në gjykatë, ish-gruaja e tij: Dani kurrë, kurrë nuk do ta bënte këtë

Dani Alves, ish-lojtari i Barcelonës dhe Sevillas, ka kaluar fundjavën e tij të parë në burg me urdhër të kreut të një gjykate të Barcelonës pasi u akuzua për përdhunimin e një vajze 23-vjeçare natën e 30 dhjetorit në tualet.

Të premten, një gjyqtar që mbikëqyrte dëshminë pranoi kërkesën e prokurorisë të ushtruar nga ankuesi duke dërguar në burg 39-vjeçarin, përcjellë Periskopi.

Dani Alves ka kërkuar të dëshmojë sërish para gjyqtarit pasi ka ofruar deri në tre versione të ndryshme të fakteve.

Cadena SER raporton se 39-vjeçari, të cilit sapo i është ndërprerë kontrata nga klubi meksikan Pumas, ka kërkuar të dëshmojë sërish para një gjyqtari pasi ka dhënë tre versione të ndryshme të ngjarjes.

Në deklaratën e Alves për gjyqtarin, lojtari pranoi, se ai ishte në diskotekë, por pohoi se ai ishte atje vetëm për një kohë të shkurtër dhe mohoi sulmin seksual që i atribuohej nga viktima. Një histori që sipas gjyqtarit hetues,bie ndesh me provat e mbledhura nga autoritetet.

Siç raporton TV3, Alves ka deklaruar tri gjëra të ndryshme: fillimisht ka thënë se nuk e njeh vajzën që pretendohet se ka sulmuar seksualisht, më pas ka thënë se e ka parë por nuk ka ndodhur asgjë dhe në fund ka thënë se është ajo që u hodh mbi të.

Familja e Alves mund të ndryshojë avokatin: Unë mendoj se avokati nuk është mirë.

Ney Alves  vëllai i Danit, pranoi se familja ishte e pafuqishme dhe se avokati nuk po i përmbushte pritjet.

“Ne jemi të pafuqishëm në këtë situatë. Mendoj se avokatja ( Miraida Puente Wislon ) nuk po shkon mirë,” tha Ney .

Njeriu që ka të ngjarë të përfaqësojë Alves është një avokat i quajtur Andres Marhuenda Martinez , sipas Telecinco.

Familja e Alves: Do të japim jetën nëse është e nevojshme që Dani Alves të dalë nga ky ferr.

Junior Alves , një tjetër nga vëllezërit e Alves , deklaroi se situata aktuale ishte e paqëndrueshme për të në një nivel emocional.

“Nuk mund të duroj më”, tha Junior Alves .

“Ata po i kalojnë kufijtë. Është e ndaluar ta vizitosh. Nuk di çfarë të bëj tjetër. Do të japim jetën nëse duhet për ta nxjerrë nga ky ferr”.

Dana Dinorah, ish-gruaja e Alve , gjithashtu beson se burri i saj nuk do të kryente kurrë një akt kaq të urryer.

Dana Dinorah, e cila ishte e martuar me Alves midis viti 2008 dhe 2011, ka dalë në mbrojtje të ish-bashkëshortit të saj.

“Dani kurrë, kurrë, kurrë nuk do ta bënte këtë. Kurrë”, deklaroi Dinorah.

“Po ju them që e njoh prej 22 vitesh, kam 10 vite që jam martuar me të.

“Në familje ata janë nervozë dhe të dërrmuar sepse duan ta shohin, por askush nuk mund t’i qaset deri tani. E di që është i trishtuar, por është mirë”, tha ajo./Periskopi/