Daily M: Messi dhe Ronaldo në të njëjtën skuadër?
Pas gati 20 vitesh garë për trofe, Topa të Artë dhe çmimin e futbollistit më të mirë në histori, Kristiano Ronaldo dhe Lionel Mesi mund të luajnë së bashku sezonin e ardhshëm.
Sipas asaj që raporton britanikja “Daily Mirror”, Zinedin Zidan, ëndrra e sheikëve të PSG-së, i ka vendosur një kusht për uljen në stol, blerjen e yllit portugez, i cili do të largohej nga Mançesteri pa shumë keqardhje.
Me shumë mundësi aventura e Mauricio Poçetinos në Paris i ka ditët e numëruara.
Objektivi i madh i sheikëve, jo shumë i fshehur, është edhe Zinedin Zidan, i interesuar për pankinën e Francës.
Nëse Ronaldo do të vinte në kryeqytetin francez, PSG-ja do të formonte një treshe ëndrrash me Mesi-Ronaldo-Nejmar, pa Kilië Mbape, i cili me shumë gjasa do të jetë blerja e madhe e verës e Realit të Madridit.
