Curri vazhdon të jetë trajneri i Prishtinës deri në fund të sezonit

FC Prishtina tashmë ka vendosur që Debatik Curri të jetë trajner i skuadrës së tyre deri në fund të sezonit.

Fitorja e madhe e Prishitnës ndaj Ballkani në Kupën e Kosovës dhe ndeshja ndaj Drenicës në Superligën e Kosovës, siç duket ishin vendimtare për të ardhmen e Currit tek skuadra e kryeqytetit.

“Po Curri do të vazhdoj deri në fund të sezonës po shpresoj që klubi te arrijë objektivat që ka dhe pa diskutim të vazhdoj tutje” – ka thënë Krasniqi.

Ardhja e Currit në stolin e Prishtinës, erdhi pas shkarkimit të trajnerit Ismet Munishi, i cili pati rezultate  jo të mira në ndeshjet e fundit dhe me vendimin e bordit drejtues është shkarkuar nga detyra si trajner i Prishtinës

Pas këtij shkarkimi, mediat kosovare kanë raportuar për  disa emra të cilët mund të zëvendësojnë Munishin, mirëpo klubi vendosi që vendit e tij  Debatik Curri deri  në fund të këtij sezoni.

Prishtina aktualisht gjendet në pozitën e katër  në tabelën e Superligës me 35 pikë, 17 pikë larg nga lideri i tabelës, Drita.

Mirëpo objetkivi kryesor i klubit të kryeqytetit për këtë sezon, është dalja në Evropë, të cilën shpresojnë të arrijë në ndeshjet e mbetura gjatë këtij sezoni.

Curri gjatë karrierës së tij si lojtarë, kishte luajtur për shumë klube të mëdha si KF Tirana dhe Flamurtari.

Ai poashtu ka luajtur edhe në Ligën e Turqisë dhe të Ukrainës, ndërsa karrierën e tij e përmbylli në vitin 2018  në të njëjtin klub ku edhe e fillojë, pikërisht në klubin e kryeqytetit, FC Prishtina, ku tani është emëruar si trajner i skuadrës së tyre.