Coman pas kualifikimit në çerekfinale: Ne punojmë si ekip
Tashmë ka përfunduar takimi ndërmjet Bayernit dhe Parisit në kuadër të ndeshjes së kthimit në çerekfinale të Ligës së Kampionëve.
Skuadra e Bayernit e ka fituar edhe takimin e dytë ndaj PSG-së me rezultatin e pastër në 2:0, duke e dëshmuar kështu forcën e saj në dy ndeshjet ndaj milionerëve parisien, shkruan Periskopi.
Pas ndeshjes foli edhe Coman i Bayernit ku tha se ata e merituan këtë fitore dhe se gjithmonë punojnë se ekip.
“Në pjesën e parë, ne ishim në gjendje të zgjidhnim problemet që kishim, ishim më kompakt në të dytën. Herën e fundit që u takuam me ta në tremujorë, ata na eliminuan. Sot, ne e merituam këtë fitore. Ne fokusohemi te vetja dhe punojmë si ekip”, tha ai.
