Çka po shpërndanë kështu nga lagjja Marigona, Ramush Haradinaj?
Kryetari i AAK-së, Ramush Haradinaj, ditëve të fundit është mjaft aktiv në shpërndarjen e disa Medaljeve.
Ai po publikon fotografi nga vizita të ndryshme që po bën nëpër vende të ndryshme por edhe nga ato ku shihet që pret mysafirë në shtëpinë e tij.
Para pak castesh, ai njoftoi se i ka dhënë medaljen ‘ME BESIM NË ZOT, ARDHE E SHTET’, Rrustem Berishës, shkruan Periskopi.
“Shqiptarët e Malit të Zi u sfiduan shumë nga historia. Rrustem Berisha, djalë Arzhanice, e nderoi kombin në etapa shumë të rëndësishme.
Andaj, sot i kam ndarë medaljen “ME BESIM NË ZOT, ATDHE E SHTET”, për kontributin e tij për çështjen kombëtare”, shkruan ai, teksa shihet në fotografi i relaksuar – në qorape – në shtëpi.
Të njëjtën medalje, para pak ditësh ia ka ndarë edhe Deli Lekajt.
“Shumë i nderuar sonte, në konakun e z. Myrteza Lekajt, një aktivist i hershëm i çështjes kombëtare, nga aksioni për pajtimin e gjaqeve e deri në Luftën Çlirimtare, që sot vazhdon duke e kryer me nderë punën si polic i Kosovës.
Gjatë kësaj vizite, kam ndarë medaljen “ME BESIM NË ZOT, ATDHE E SHTET” për bashkëluftëtarin tim nga kjo familje, z.Deli Lekajn.
Duke e uruar nikoqirin për ditëlindjen e djalit, e falënderoj shumë për mikpritjen!”, njoftonte Haradinaj./Periskopi/
