Çka dihet deri më tani për atentatin ndaj Donald Trump në Pennsylvania
Të shtëna me armë ndodhën në një tubim elektoral të Donald Trump të shtunën, e që rezultuan me plagosje të ish-presidenti që u largua me shpejtësi nga skena me gjakderdhje rreth veshit të tij, shkruaj The Guardian, përcjell Periskopi.
Ja çfarë dihet deri tani për situatën:
Trump po fliste në një tubimin e tij në Butler, Pennsylvania, kur zhurma të forta u dëgjuan në turmë rreth orës 18:13.
Trump duket se u godit nga diçka në zonën e veshit të djathtë ndërsa po fliste, dhe videot e tregojnë atë duke kapur shpejt veshin e tij dhe pastaj duke u ulur në tokë, ndërsa agjentët e sigurisë dhe të tjerët hidhen për ta ndihmuar.
Një spektator u vra dhe të paktën dy u plagosën.
Trump u ngrit me gjak në anën e fytyrës dhe dukej se po thoshte “luftoni, luftoni” ndërsa pomponte grushtin e tij.
Trump më pas u eskortua me shpejtësi nga skena dhe në automjetin e tij.
Vendi i mitingut tani është një skenë aktive e krimit. FBI-ja ka marrë përsipër hetimin.
Ekipi i Trump dhe Shërbimi Sekret konfirmuan se ai ishte “mirë” dhe po kontrollohej në një institucion mjekësor lokal.
Më vonë, Trump postoi një deklaratë në Truth Social, duke thënë se u godit nga një “plumb që përshkoi pjesën e sipërme të veshit të djathtë”.
Prokurori i qarkut Butler konfirmoi se i dyshuari për të shtënën dhe një pjesëmarrës në tubim ishin të vdekur. Një person në tubim ishte në gjendje të rëndë. Shërbimi Sekret më vonë tha se dy persona ishin në gjendje kritike.
Të shtënat po hetohen si një përpjekje për atentat.
FBI-ja më vonë emëroi Thomas Matthew Crooks, 20 vjeç, nga Bethel Park, PA si “subjekti i përfshirë” në të shtënat.
Shërbimi Sekret ndau më shumë detaje për pozicionin e të shtënit dhe konfirmoi se i shtënësi u vra nga Shërbimi Sekret. ABC News raportoi se zyrtarët e zbatimit të ligjit deklaruan se i dyshuari ishte vendosur në një çati dhe përdori një pushkë stil AR.
Presidenti, Joe Biden, tha se “të gjithë duhet të dënojnë dhunën politike” në një fjalim pak pas të shtënave. Shtëpia e Bardhë më vonë tha se presidenti dhe Trump kishin folur. Biden është duke u kthyer në Shtëpinë e Bardhë. Trump është në New Jersey.
