Chelsea vazhdon me barazime në Premierligë
Chelsea ka regjistruar edhe barazimin e tretë radhazi në Premierligë.
Në ndeshjen e vlefshme për javën e 23-të, skuadra e drejtuar nga Graham Potter barazoi në udhëtim kundër West Ham Unitedit.
Ndeshja e zhvilluar në “London Stadium” përfundoi me rezultatin 1:1.
Të dy golat e kësaj ndeshjeje u shënuan brenda pjesës së parë.
Joao Felix fillimisht kaloi “Blutë” në epërsi në minutën e 16-të. Për portugezin ishte goli i parë në fanellën e londinezëve.
Emerson shënoi për “Çekanët” në minutën e 28-të për të barazuar shifrat.
Chelsea pas këtij barazimi ka 31 pikë dhe renditet në pozitën e nëntë, kurse West Hami me 20 pikë renditet në pozitën e 15-të
