Chelsea pa tre sulmuesit e skuadrës për ndeshjen ndaj Newcastle
Chelsea do të jetë me mungesa të mëdha këtë vikend në ndeshjen kundër Newcastle United.
‘Blutë’ do të jenë në udhëtim këtë fundjavë, për ndeshjen kundër Newcastle United. Por, në këtë ndeshje, Tuchel nuk do t’i ketë të gjitha forcat në dispozicion.
Chelsea ka njoftuar se Timo Werner, Romelu Lukaku dhe Christian Pulisic nuk do të jenë me klubin, përcjell Periskopi.
Trajneri gjerman i Chelsea, Thomas Tuchel, shpreson t’i ketë lojtarët në dispozicion pas ndeshjeve me kombëtaret.
Mbetet të shihet se si do ta organizojë Tuchel sulmin e skuadrës, pa treshen në fjalë. /Periskopi/
