Challandes: Duhet të përmirësohemi në mbrojtje

Bernard Challandes ka shprehur ngazëllimin e tij me fitoren sonte kundër Lituanisë 4-0, por pati kritika për repartin defanziv, shkruan Periskopi.

Dy gola nga Arbër Zeneli, një nga Vedat Muriqi dhe një tjetër nga Besar Halimi ia siguruan ‘Dardanëve’ fitoren në miqësoren që u luajt në ‘Fadil Vokrri’.

Pas ndeshjes, Challandes ka komplimentuar sulmin, por kërkoi më shumë kujdes në mbrojtje.

”Ishte shumë e rëndësishme të fitonim dhe ishte e rëndësishme për vetëbesimin. Ne duhet të përmirësohemi në mbrojtje. E pamë në pjesën e parë se sot Lituania pati shumë mundësi për të shënuar dhe këto gabime na kushtojnë kundër Suedisë dhe Spanjës,” u shpreh Challandes. /Periskopi.com/