Çfarë e shkakton kruajtjen e lëkurës? Hulumtimi i ri tregon një faktor të panjohur më parë
Shkencëtarët ende po zbulojnë misterin se përse sëmundjet e lëkurës si ekzema i shkaktojnë njerëzit të kruhen.
Një shkak i njohur është inflamacioni, i cili përkeqësohet kur njerëzit gërvishten dhe lëkura e tyre dëmtohet por mund të ketë një tjetër shkaktar për kruajtjen, sipas një studimi të botuar të mërkurën në revistën Cell: një bakter i quajtur Staphylococcus aureus.
Studiuesit nga Shkolla Mjekësore e Harvardit zbuluan se bakteri mund të aktivizojë drejtpërdrejt qelizat nervore te minjtë.
“Ajo që ishte befasuese është se në disa situata ku kishte shumë pak inflamacion, ne ende mund të shihnim minjtë duke gërvishtur. Rezulton se arsyeja është se bakteret po vepronin drejtpërdrejt në fibrat nervore që prodhojnë kruajtje”, tha një bashkautor i studimit, Isaac Chiu, një profesor i asociuar i imunologjisë në Shkollën Mjekësore të Harvardit.
Para studimit, shkencëtarët ishin të vetëdijshëm se S. aureus ishte i lidhur me ekzemën, por lidhja e saktë ishte e paqartë.
Hulumtimi i ri zbuloi se sapo S. aureus pushton lëkurën e një miu, ai lëshon një enzimë të quajtur V8, raporton NBC news, transmeton Klankosova.tv.
