Caktohen gjyqtarët që do të ndajnë drejtësinë në xhiron e 20-të të Superligës së Kosovës
Superliga e Kosovës në futboll nuk do të humbas kohë dhe kësisoj me ndeshjet e javës së 20-të vazhdon në fundjavë.
Ndeshjet kryesore priten të zhvillohet ditën e diele ku do të ballafaqohen Ballkani – Feronikeli dhe Llapi – Gjilani.
Tashmë është bërë edhe delegimi i gjyqtarëve për xhiron e 20-të.
Në ndeshjen Ballkani – Feronikeli, drejtësinë do ta ndajë gjyqtari pejan, Gramos Shala me asistentët Fatlum Berisha, Fatlum Jashari dhe gjyqtar i katërt Genc Nuza.
Kurse, në ndeshjen Llapi – Gjilani, “bilbili” kryesor i është besuar gjyqtarit Alban Shala me asistentët Bujar Selimaj, Granit Hyseni dhe gjyqtar i katërt Vigan Ibërdemaj.
