Bunjaku i kundërpërgjigjet Valon Behramit, ia përmend shiritin e kapitenit

Mbrëmë futbollisti kosovar, Valon Behrami në një intervistë ekskluzive dhenë për IndeksOnline ka pohuar se nuk ka pranuar asnjëherë ftesë dhe se askush nuk ka folur fytyrë me fytyrë me të në lidhje për të luajtur për Kombëtaren e Kosovës.

Valon Behrami: E para sen, kërkush s’ka ardh me mu me fol ftyrë-ftyrë. Deri sot, familja ime e din, një njeri s’ka ardh me më fol në ftyrë mua. Një njeri nuk ka ardh me m’thanë, Valon a po vjen në Kosovë me lu, a po vjen me na nimue? A ka ardh dikush? Jo! Krejt kanë fol për pare. Po çfarë pare kam marrë unë në Zvicër? Kurrë s’kom fol për pare. Ne që kemi lujtë për Zvicrën, nuk kemi menu kurrë për pare. Ti mendon që ata që lujnë për Kosovën me mrri në kampionatin botëror nuk marrin pare a?! Njerëzia kur nuk i din senet flasin. Na nuk kena rrogë në Zvicër, na kemi veç premia. Shkon në kampionat evropian, i merr premiat, shkon në kampionat botëror, i merr premiat”, tha Behrami për IndeksOnline.

Në lidhje me këtë deklaratë të mbrojtësit kosovar, ka reaguar edhe ish-selektori i Kosovës, Albert Bunjaku, që atë kohë drejtonte Kombëtaren tonë.

Bunjaku thotë se Behrami e kishte ftesën, madje se atij i’u kishte ofruar edhe shiriti i kapitenit vetëm që të lunate për Kosovën.

“Valoni e ka pas ftesën, madje ma shumë se ftesë, ai e ka pas edhe traken e kapitenit për me u na bashkangjitë”, tha mes tjerash Bunjaku.

Intervista e tij e plotë: