Bugatti pretendon se Chiron arrin 450 kilometra në orë, pritet ta vërtetojë së shpejti (Foto)
Shpejtësia e lartë nuk është më prioritet i Bugattit
Me shpejtësinë e fiksuar në mënyrë elektronike në 420 kilometra në orë, ky Chiron ka ende për të treguar potencialin e plotë.
Udhëheqësi më i lartë në Bugatti, Stefan Winkelmann ka thënë se kjo makinë me 1,479 kuajfuqi ka aftësi të lëvizë edhe më shpejtë, megjithëse kjo nuk është prioritet i kompanisë franceze.
“Shumë lehtë mund të arrijë prej 440 deri në 450 kilometra në orë, por nuk i kemi bërë testet”, ka thënë Winkelmann. Megjithëse, shpejtësia e lartë më nuk është prioritet i Bugattit, por siguria dhe rehatia në udhëtim.
Në këtë formë, i afrohet Koenigsegg Agera RS që mund të lëvizë deri më 445 kilometra në orë. Mirëpo, përkundër pretendimeve, Bugatti ende nuk e ka vërtetuar këtë gjë.
Vetëm se është bërë e ditur, se gjatë vitit që vjen ta vë në testim, që të tregojë shpejtësinë me të cilën lëvizë. Kjo pritet të ndodhë në kohën kur Hennessey ta testojë Venom F5, nëse mund të arrijë 480 kilometra në orë. /Telegrafi/
