Brahimaj: Prekazi, vend i shenjtë i sakrificës kombëtare, sot na mblodhi përsëri
Ish gjenerali, Lahi Brahimaj tha se Prekazi i mblodhi sërish.
Ai tha se takimi me gjeneralët Dergutin e Kodrën i sollën kujtime të paharruara nga lufta.
Tutje Brahimaj tha se Prekazi mbetet tempull i lirisë.
Prekazi, vend i shenjtë i sakrificës kombëtare, sot na mblodhi përsëri.
Takimi me vëllezërit e armëve, Gjeneral Ilaz Dergutin e Gjeneral Fadil Kodrën, na solli kujtime të paharruara nga ditët e luftës. Bashkë me shumë bashkëluftëtarë, shokë e miq, ndamë kujtime nga ato ditë të vështira por krenare të rezistencës sonë.
Prekazi mbetet tempull i lirisë sonë, ku çdo pëllëmbë tokë flet për trimërinë e bijve të kombit që u bënë pishtarë të lirisë së Kosovës.
