Brahimaj në Ditën e Veteranit: Momente që dëshmojnë se idealet për të cilat luftuam, mbeten të gjalla në zemrat tona
Kandidati i AAK‘së për deputet, Lahi Brahimaj në pritjen e organizuar nga Haradinaj, për nderë të Ditës së Veteranit, u shpreh se është një moment reflektimi, shkruan Periskopi.
Brahimaj tha se është i lumtur që në këtë ditë u takua edhe me Ali Ahmetajn, dhe se ky takim dëshmon se idealet për të cilat luftuam, mbeten të gjalla në zemrat tona.
Postimi i plotë:
Dita e Veteranit është moment reflektimi për rrugëtimin tonë të përbashkët, ku çdo hap drejt lirisë u bë me sakrificë dhe vendosmëri të pathyeshme.
Sot, në pritjen e organizuar nga kryetari Ramush Haradinaj, pata rastin të takoj shumë bashkëluftëtarë të UÇK-së, ndër ta edhe vëllain tonë Ali Ahmeti. Çdo takim i tillë na kthen në kohën e lavdishme të luftës çlirimtare.
Bashkimi ynë në këto momente të shënuara dëshmon se vlerat e luftës dhe idealet për të cilat luftuam, mbeten të gjalla në zemrat tona, duke na frymëzuar për të ardhmen.