Brabus përgatit G-Classin për terren
Shtëpia e specializuar tuning Brabus ka përgatitur versionin ekstrem të klasës së re Mercedes G.
Nën emrin e markës Brabus Adventure D35, klasa G është menduar kryesisht për vozitje me stil në terrene.
Për dallim nga Brabus, klasa G e prezantuar kohët e fundit me motor V12 turbo-benzinë dhe 900 kuaj fuqi është plotësisht e papërdorshme jashtë asfaltit.
Përveç kësaj, do të arrijë edhe Adventure D35 me motor turbo-dizel 3,0-litra me gjashtë cilindra dhe 330 kuaj fuqi, të çiftëzuara me ndërrues automatik prej 9 shpejtësive, transmeton KosovaPress.
Brabus Adventure është 10 centimetra më i gjerë se G350D, me 40 milimetra shtesë largim nga terreni.
Aty është edhe sistemi tradicional i Mercedes-it për bartjen e fuqisë në të dyja boshtet, me bllokadë të diferencialit dhe reduktues, ndërsa për terrenet më sfiduese janë të vendosura gomat “off-road” me dimensione 285/55 R20.
Në rast të situatave ekstreme, Adventure është i pajisur me çikrik për tërheqje.
