Boksieri i peshës së rëndë totalisht humb kokën dhe grushton gjyqtarin pasi humbi meçin

Më 1 janar, boksieri i peshës së rëndë ukrainas, Iago Kiladze u ndesh me Viktor Faust në meçin para eventit kryesor mes Luis Ortiz dhe Charles Martin.

Përballja ishte tensionuese që nga gongu i parë, me të dy boksierët që luftuan fuqishëm për fitore.

Kiladze u shokua herët duke u goditur me një të majtë brutale, që e rrëzoi në rundin e parë.

Faust, i cili nuk ishte rrëzuar asnjëherë para këtij meçi, pastaj e pësoi njejtë pas disa goditjeve të rënda nga Kiladze.

Zakonisht, pas një sekuence të tillë si kjo në një ndeshje boksi, tifozët mund të presin që ritmi të qetësohet, pasi nuk ndodh shpesh që luftimet të jenë me një shpejtësi kaq të tmerrshme, por nuk ishte kështu.

Luftëtarët ndanë pesë nokdaun mes tyre, gjë që sigurisht nuk është një dukuri e zakonshme, veçanërisht në fillim të një përleshjeje. Një klasik i menjëhershëm me siguri.

Iago shënoi të katërtin nga pesë goditjet e lartpërmendura kur Faust u rrëzua vetëm për herë të dytë ndonjëherë, por arbitri hyri vetëm pas një goditjeje nga e djathta që rrëzoi Kiladze.

Gjyqtari, Samuel Burgos kërkoi nga Kiladze të ecte drejt tij, por kur ukrainasi nuk lëvizi, meçi u anulua. /Periskopi.com/

Iago Kiladze punched the ref….. ??? pic.twitter.com/8iYHiO05qw

— ✯✯✯✯✯ (@FTB_Vids_YT) January 2, 2022