Bleona Qerreti i komenton Grenellit në foton me të: Të dua
I dërguari special i presidentit amerikan, Donald Trump për dialogun Kosovë-Serbi, Richard Grenell, ka publikuar një fotografi dje me këngëtaren shqiptare, Bleona Qerretin, duke e cilësuar si yll ndërkombëtar.
Pas publikimit të kësaj fotoje nga Grenell, nuk ka munguar as përgjigja e Bleonës.
Ajo ka falenderuar ambasadorin Grenell për gjithçka që ka bërë për popullin shqiptar, derisa në fund i ka thënë edhe se e do.
“I dashur Rick, duke pasur gjak shqiptar në venat e mia, unë nuk mund të të falënderoj mjaftueshëm për atë që ti ke bërë për popullin shqiptar. Si qytetare amerikane, faleminderit për vendosjen e standardeve të larta në politikën amerikane. Të dua”, ka qenë komenti i Qerretit në foton e publikuar nga Grenell.
Ndryshe, kjo foto është realizuar gjatë një takimi që dyshja kanë zhvilluar me shqiptaro-amerikanët në Detroit.
