Bislimi s’po i beso statistikave të Bankës Botërore, vazhdon të propagandoj se në Kosovë ka ulje të papunsisë dhe rritje të investimeve të huaja

Zëvendëskryeministri Besnik Bislimi nuk po i beso Bankës Botërore.

Në postimin e fundit, Bislimi përsëri ka folur për ulje të papunsisë.

Ai shkroi në Facebook se Raporti i Progresit “rikonfirmoi zhvillimin ekonomik”.

“Raporti për Vendin 2024 si dëshmi e radhës e rritjes ekonomike dhe progresit të Kosovës. Raporti vjetor për vendin i hartuar nga Komisioni Evropian, rikonfirmoi zhvillimin ekonomik që po njeh vendi dhe indikatorët pozitiv makroekonomikë përgjatë qeverisjes sonë. Në kapitullin 2.3 të raportit ku flitet për zhvillimin ekonomik dhe konkurrueshmërinë, theksohet rritja ekonomike, rritja e punësimit, rritja e të hyrave buxhetore, rritja e investimeve të huaja direkte, ulja e papunësisë, forcimi i stabilitetit makroekonomik, përmirësimi i raportit eksport-import, ulja e inflacionit, ulja e borxhit publik, zvogëlimi i informalitetit”, shkroi Bislimi.

Ai tha se në raport “përmendet mbështetja e Qeverisë ndaj qytetarëve dhe politikat gjithëpërfshirëse veçanërisht në subvencionimin e faturave të energjisë elektrike për rreth 200.000 amvisëri” dhe se “përgëzohet Kosova për konsolidimin fiskal, përmirësimin e ambientit të të bërit biznes dhe zgjerimin e sektorit bankar”.

“Blloku i kritereve ekonomike është një prej më kryesoreve të procesit të integrimit evropian, dhe Kosova po tregon se po ecën me hapa të shpejtë drejt rritjes ekonomike dhe përafrimit me Bashkimin Evropian. Ka ende shumë punë për të bërë, por gjatë qeverisjes tonë po dëshmojmë maturi në dizajnimin e politikave ekonomike dhe drejtimin e vendit kah një trajektore e drejtë dhe e qëndrueshme e rritjes dhe zgjerimit të kapaciteteve të Kosovës”, ka shkruar Bislimi.