Benfica trukoi ndeshjen e fundit për të hyrë në Champions? Nisin hetimet
Benfica në qëndër të një skandali për manipulimin e ndeshjes së fundit të sezonit 2017/18 për të siguruar vendin e dytë dhe si pasojë edhe kualifikimin në UEFA Champions League.
Prokuroria ka nisur një hetim që lidhet me ndeshjen kundër Moreirenses të fituar 1-0 që i siguroi skuadrës së “shqiponjave” edhe vendin e dytë në sezonin kur ekipi drejtohej nga Rui Vitoria.
Në atë sfidë vendimtare, goli i fitores u shënua nga pika e bardhë e penalltisë. Benfica deri në atë moment ishte me pikë të barabarta me Sportingun e Lisbonës ndërsa në pjesën e dytë kundër Moreirenses, penalltinë e shkaktoi Alfa Semedo që një vit më vonë u ble pikërisht nga Benfica për 2.5 milionë.
Kjo ka bërë që hetuesit të nisin një hetim pasi kualifikimi në Champions i siguroi ekipit të “shqiponjave” 43 milionë euro.
