Ben White largohet nga Anglia, kjo është arsyeja
Ben White është larguar nga grumbullimi me Kombëtaren e Anglisë në Katar.
“Tre Luanët” njoftuan zyrtarisht këtë të mërkurë për largimin e mbrojtësit të Arsenalit.
Në njoftim thuhet se White u largua për arsye personale.
Gjithashtu, Kombëtarja e Anglisë ka kërkuar që të respektohet privatësia e lojtarit.
Njoftimi i plotë:
“Ben White është larguar nga baza stërvitore e Anglisë në Al Wakrah dhe është kthyer në shtëpi për arsye personale.
Mbrojtësi i Arsenalit nuk pritet të kthehet në skuadër për pjesën e mbetur të turneut.
Kërkojmë që në këtë moment të respektohet privatësia e lojtarit”.
