Behgjet Pacolli: I zhgenjyer me qeverisjen aktuale

Kreu i AKR-së Behgjet Pacolli është shprehur i  zhgënjyer nga pushteti aktual. Ai në një postim në facebook është shprehur i zhgenjyer me qeverinë Kurti dhe ka permend disa nga deshtimet e qeverisë.

“Kjo qeveri karakterizohet nga dështime marramendëse. Do të përmend vetëm disa fusha: Nuk ka progres në asnjë fushë, por ka regres gjithande”

Ai gjithashtu është shprehur se situate dhe sovraniteti në veri duhet shtruar me kujdes.

“Shpresoj që sovraniteti i shtetit tonë është shtrirë edhe në veri, për çka do të përgëzoja këdo që ka kontribuar në këtë synim. Por më duhet të theksoj se Kosova duhet ta shtrijë sovranitetin e saj në veri me kujdes, sepse më shkon mendja se mënyra e zgjedhur nga kjo qeveri mund të jetë e gabuar. Nga praktikat e dimë se gjithçka e arritur me forcë nuk është e qëndrueshme, edhe pse shpresoj të jem gabim në këtë rast”

Postimi i plotë

Kjo qeveri karakterizohet nga dështime marramendëse. Do të përmend vetëm disa fusha:

Nuk ka progres në asnjë fushë, por ka regres gjithandej.

Natyra është shkatërruar në përmasa marramendëse; nuk ka asnjë bonifikim të natyrës, por vetëm shkatërrim në të gjitha anët. Prerja masive e pyjeve ka sjellë përmbytje dhe vërshime, ndërsa tokat pjellore janë infektuar nga ujërat fekale të çdo qendre urbane. Mbeturina, si dhe trupat e pajetë të qenve dhe maceve, gjenden kudo.

Nuk ka asnjë veprim për pastrimin e lumenjve dhe rregullimin e shtretërve të tyre.

Ndotja e ambientit nga tymtarët e termocentraleve te prishura dhe opsolete është katastrofale. Smundjet kanceroze janë në rritje të shfrenuar! Nuk është ky alarm i mjaftushëm?

Nuk ka përparim drejt përfundimit të projekteve të nisura para vitit 2019, por vetëm ngecje.

Nuk ka riparim të rrugëve, por vetëm shkatërrim të mëtejshëm. Këto rrugë të shkatërruara tani rrezikojnë jetën e njerëzve.

Nuk ka rritje ekonomike dhe asnjë investim në ndonjë projekt infrastrukturor që do të linte gjurmë për të mirë.

Nuk ka investime të huaja, vetëm tërheqje të investitorëve.

Nuk ka asnjë veprim të organizuar për të motivuar qytetarët që të jetojnë dhe veprojnë në Kosovë. Përkundrazi, po përballemi me një ikje masive të qytetarëve jashtë vendit.

Kemi rritje të kriminalitetit dhe dhunës në familje.

Sipas asaj që kemi parë dhe raporteve ndërkombëtare, vitet e fundit karakterizohen nga veprime korruptive të aktorëve të përfshirë drejtpërdrejt në qeveri.

Ka degradim të gjuhës së komunikimit mes qytetarëve të indoktrinuar dhe inkurajuar nga politikat e retorika populiste e qeverisë, dhe urrejtje ndaj atyre që konsiderohen si jo mbështetës të politikave të tyre.

Shpresoj që sovraniteti i shtetit tonë është shtrirë edhe në veri, për çka do të përgëzoja këdo që ka kontribuar në këtë synim. Por më duhet të theksoj se Kosova duhet ta shtrijë sovranitetin e saj në veri me kujdes, sepse më shkon mendja se mënyra e zgjedhur nga kjo qeveri mund të jetë e gabuar. Nga praktikat e dimë se gjithçka e arritur me forcë nuk është e qëndrueshme, edhe pse shpresoj të jem gabim në këtë rast!

Diskriminimi i familjeve të komuniteteve jo-shqiptare, përmes çmimeve të dy dhe trefishta të teksteve shkollore, nuk është në përputhje me parimet e demokracisë që synojmë.

… dhe shumë dështime të tjera!, shkroi Pacolli në një postim në Facebook.