Bëhet i Kosovës: Albin Kurti viziton Agim Ademin dhe Kombëtaren e Kosovës në futboll
Kryeministri i Kosovës, Albin Kurti e ka vizituar sot ekipin Kombëtar të Kosovës në futboll në hotelin ku ata po qëndrojnë.
Kryeministri Kurti zhvilloi një bashkëbisedimi të këndshëm me futbollistët dardanë, e gjithashtu edhe me krerët e FFK-së përkundër që më herët kishte shpërfillur ndeshjet që kishin zhvilluar.
Gjatë kësaj vizite Kurti përgëzoi djemtë dardanë për paraqitjet e tyre mbresëlënëse dhe i uroi për një cikël të suksesshëm në kualifikimet për Botërorin “Katar 2022”.
Kurti theksoi se futbolli në Kosovë gjithmonë ka qenë sport i dashur, derisa tani sukseset e djemve dardanë po e bëjnë krenar të gjithë popullin.
Ai shihet derisa mban edhe numrin 1 [që mbahet nga portierët] në një fanellë të dorëzuar nga kryetari i Federatës së Futbollit, Agim Ademi. /Periskopi
