Begaj pritet nga Xhaferi: Shqiptarët janë faktor vendimtar në formimin e shtetit të Maqedonisë e Veriut

Presidenti i Shqipërisë, Bajram Begaj është takuar në Shkup me kryeministrin e Maqedonisë së Veriut, Talat Xhaferin.

Begaj e përgëzoi Xhaferin për udhëheqjen e zgjedhjeve në parametrat më demokratikë, duke nxjerrë në kohë rezultatet dhe pa kontestime.

Tutje, presidenti shqiptar përmes një postimi në Facebook thotë për kryeministrin shqiptar, se vizioni i tij, dhe përkushtimi i tij tregon sërish se shqiptarët janë një faktor vendimtar në formimin e shtetit në Maqedoninë e Veriut.

Postimi:

Me Kryeministrin e Republikës së Maqedonisë së Veriut, Talat Xhaferi.

E përgëzova për udhëheqjen e zgjedhjeve në parametrat më demokratikë, duke nxjerrë në kohë rezultatet dhe pa kontestime.

Vizioni, profesionalizmi dhe përkushtimi i tij tregojnë sërish se shqiptarët janë një faktor vendimtar në formimin e shtetit në Maqedoninë e Veriut.

Çdo tullë që vendosim në murin e arritjeve tona është hapi drejt një të ardhme të ndritur dhe do të jetë gjithmonë e mirëpritur.