Bayerni ka fituar para të ‘majme’ nga Liga e Kampionëve, nuk do ta besoni shumën e grumbulluar

Skuadra e Bayernit mposhti mbrëmë Salzburgun me rezultatin final në 7:1, duke siguruar kështu një vend në çerekfinale të Ligës së Kampionëve.

Përveç që bëri të lumtur tifozët e klubit, Bayerni mbushi edhe arkat me para, shkruan Periskopi.

Siç raporton SkySport Deutschland, kualifikimi në çerekfinalen e kompeticionit më të mirë të futbollit në Evropë – i solli kampionëve gjermanë 10.6 milionë euro të tjera, duke e rritur totalin e sezonit të bonuseve të UEFA-s në mbi 89 milionë euro.

Një hap i mëtejshëm përpara, deri në gjysmëfinalen e Ligës së Kampionëve, do të sillte edhe 12.5 milionë euro të tjera tek klubi bavarez.