Bashota: S’besoj se të akuzuarit kanë shkruar komunikata të UÇK-së në 1997-ën
Sokol Bashota u pyet nga trupi gjykues sot në Hagë se a ka qenë ndonjëri prej të akuzuarve i përfshirë në shkrimin apo publikimin e komunikatave të UÇK-së me 1997-ën.
“Jo se besoj. S’ka pas përgjegjësi asnjëri prej tyre në atë kohë për me e ba një gja të tillë”, tha Bashota, raporton “Betimi për Drejtësi“.
Fillimisht, dëshmitari u përball me deklaratat e Rexhep Selimit i cili kishte thënë se gjatë 1997-ës kryesisht me komunikatat ishte merr Sokol Bashota.
“Ai ka mujt me supozu por unë nuk e kam shkru asnjë komunikatë”, tha dëshmitari.
Gjyqtari i tha Bashotes së sipas deklaratës së tij, në atë kohë Thaçin dhe Veselin nuk kanë qenë në Kosovë dhe si mund të jetë i sigurt që komunikatat nuk janë shkruar nga ata.
“Duke iu referuar pozicionit të tyre që e kanë pas në Ushtrinë Çlirimtare të Kosovës për atë kohë. Unë nuk muj me e paragjyku asnjërin se a ka mujt apo s’ka mujt me e shkru ndonjë komunikatë, por që pozicion për me fol apo me shkru diçka për UÇK-në nuk kanë pas dhe nuk e di nëse kanë muj me shkru apo jo”, tha Bashota.
