Barcelona konfirmon gjithçka lidhur me Aguero dhe Depay – dyshja mbesin në skuadër
Spekulime të shumta lidhur me Sergio Aguero janë ngritur pas largimit të Lionel Messi.
Aguero erdhi te skuadra e Barcelonës, nga Manchester City, me dëshirën e vetme për ta pasur shok skuadre Leo Messin.
Messi vendosi të largohej, duke bërë që dëshira e Aguero të mbetet e paplotësuar. Kjo nxiti shumë zëra të thonë se Aguero do të largohet nga Barcelona, pa filluar sezoni fare.
Por, këto dyshime kanë marrë fund sot, me publikimin e fundit të Barcelonës, përcjell Periskopi.
Barca ka publikuar listën me lojtarët për ndeshjen e Joan Gamper, ku janë parë edhe numrat e ndarë për Aguero dhe Memphis Depay.
Aguero do të mbajë numrin 19 në fanellën e Barcelonës, kurse Memphis do ta ketë numrin 9.
Kështu, në mënyrë indirekte është konfirmuar se janë qartësuar të gjitha gjërat mes Aguero dhe Barcelonës. /Periskopi/
