Barcelona e fiton derbin ndaj Atletico Madridit dhe shkëputet në krye të tabelës

Pas barazimit me Espanyolin javën e kaluar, Barcelona është rikthyer te fitorja në La Liga.

Skuadra e drejtuar nga Xavi triumfoi në udhëtim ndaj Atletico Madridit, në derbin e vlefshëm për javën e 16-të.

Barcelona fitoi minimalisht 0:1 në “Wanda Metropolitano”.

Golin e vetëm dhe të tri pikëve për katalanasit e shënoi Ousmane Dembele, në minutën e 22-të.

Vlen të theksohet se në këtë ndeshje u panë edhe dy kartonë të kuq. Në minutën e 92-të nga loja u përjashtuan Stefan Savic dhe Ferran Torres.

Barcelona pas kësaj fitore ka 41 pikë dhe vazhdon kryesimin në tabelë, tani me tri pikë më shumë se Real Madridi.

Atletico Madridi mbetet i pesti me 27 pikë.