Bad News Eagles fiton ndeshjen ndaj ekipit SAW dhe kalon në finale ndaj ekipit Aurora në turneun CCT South Europe

Ekipi shqiptar Bad News Eagles ka siguruar finalen në CCT South Europe ndaj ekipit Aurora, ndeshje e cila do të zhvillohet sot.

Nuk kanë të ndalur fitoret nga Bad News Eagles që nga fillimi i vitit 2023, pas ardhjes së trajnerit të ri në ekip ‘Devilwalk’.

Ndeshjen gjysmëfinale Bad News Eagles e fituan ndaj ekipit portugez SAW që renditet në vendin e 20 –të në botë, me rezultat 2-0.

Në ndeshjen finale Bad News Eagles do të takohet me ekipin Aurora të cilët renditen në vendin e 59 –të në botë.

Kjo ndeshje do të zhvillohet nga ora 19:00, sot (e mërkurë) dhe do të transmetohet në platformën Gjirafavideo.

Vendi i parë pritet t’i fitojë plot 22 mijë dollarë, ndërsa vendi i dytë 10 mijë dollarë.