As Berisha dhe as Hysaj në fushë, ja kush pritet të jetë kapiteni i Kombëtares së Shqipërisë ndaj Islandës
Shqipëria do të përballet sonte në mbrëmje me Islandën, në ndeshjen e fundit të grupit në Ligën e Kombeve, teksa kuqezinjtë do të zbresin me një risi në fushë.
Pritet që në stol të jenë si Etrit Berisha dhe Elseid Hysaj, dy lojtarë që mbajnë shiritin e kapitenit në skuadër. Duke u nisur edhe për faktin se në konferencë për shtyp përpara ndeshjes doli Cikalleshi, sulmuesi pritet që të mbajë shiritin këtë ndeshje.
Cikalleshi është lojtari me më shumë ndeshje në grupin aktual po të mos llogariten Berisha dhe Hysaj, pasi sfida me Islandën do të jetë e 50-a e tij më kombëtaren, një më shumë se Abrashi i cili do të luajë ndeshjen e 49.
