Artan Nimani: Reka e Keqe mbështet fuqishëm Koalicionin për Kosovën fituese 137!

Kandidati për deputet nga koalicioni AAK-NISMA-Forumi Intelektual, Artan Nimani ka mbajtur takim me banorët e fshatrave Botushë, Molliq, Nivokaz, Brovinë, Stubëll dhe Berjah.

Nimani i cili mban numrin 25 në listën zgjedhore tha se morën përkrahje të madhe nga qytetarët.

Postimi i plotë:

Reka e Keqe mbështet fuqishëm Koalicionin për Kosovën fituese 137!

Botushë, Molliq, Nivokaz, Brovinë, Stubëll dhe Berjah – këto fshatra, që dikur ishin zemra e qëndresës së Rekës së Keqe në luftën për liri, sot vazhdojnë të jenë simbol i mbështetjes së pathyeshme.

Sonte, në një takim madhështor, banorët u zotuan të përkrahin fuqishëm Koalicionin e udhëhequr nga AAK me numrin 137 dhe kandidaturën time me numrin 25 në listën fituese.

Ky rrugëtim i përbashkët për të ndërtuar një Kosovë më të fortë dhe më të drejtë vazhdon me besimin dhe përkushtimin e të gjithëve.

#Me137 #Me25 #PërKosovënFituese