“Topçinjtë” ia dolën që me përmbysje nga 0 – 1 në 2 – 1 të fitojnë kryendeshjen e javës.

Së pari, ishte Eric Lamela që realizoi supergol në stilin ‘Rabona’ për të zhbllokuar shifrat (33′).

Ndërsa, ishte mesfushori Martin Odegaard që pas asistimit të Tierney të barazoi rezultatin (44′), me të cilin skuadrat shkuan në pushime.

Pjesa e dytë, nisi më mirë për Arsenalin që kaluan në epërsi për herë të parë në ndeshje përmes Alexandre Lacazette që u tregua i saktë nga pika e bardhë (64′).

Gjërat u vështirësuan edhe më shumë për skuadrën e Jose Mourinhos, kur Eric Lamela u ndëshkua me të kuq, pasi mori dy kartonë të verdhë (79′).

Disa minuta me vonë, Harry Kane realizoi, por goli u anulua për pozitë jashtë loje.

Sidoqoftë, derbi i rivalëve të urryer të Londrës, përfundoi me rezultat 2 – 1.

Me këtë fitore, Arsenal renditët në pozitën e 10-të me 41 pikë, derisa Tottenham në të shtatin me 45 sosh.