Arrestohet një 75 vjeçar dhe 48 vjeçar, dyshohet se e rrahën një tjetër për një vendparkim në Ferizaj

Policia e Kosovës ka arrestuar një 75-vjeçar dhe një 48-vjeçar pasi kanë sulmuar një person për shkak të parkimit të veturës në Ferizaj.

Sipas policisë, të dyshuarit e kishin sulmuar dhe ia kishin dëmtuar gomat e veturës me kaçavidë.

“Policët e rendit menjëherë janë nisur në atë drejtim dhe kanë hasur në përsonin që ishte sulmuar nga dy persona tjerë, të cilët shkak i një parkingu të veturës, i kishin shkaktuar lëndime trupore dhe i kishin dëmtuar gomat e veturës.” – thuhet në njoftim.

Të dyshuarit janë dërguar në mbajtje dhe rasti është hapur si “Lëndim i lehtë trupor”.

Raporti i plotë:

Arrestohen dy persona për lëndim trupor në Ferizaj

Me datën 04.08.2024 rreth orës 23:30, policia e stacionit në Ferizaj ka pranuar një informatë se në rrugën ‘’Bajram e Gursel Sylejmani ‘’ në Ferizaj është një rast i lëndimit trupor.

Policët e rendit menjëherë janë nisur në atë drejtim dhe kanë hasur në përsonin që ishte sulmuar nga dy persona tjerë, të cilët shkak i një parkingu të veturës, i kishin shkaktuar lëndime trupore dhe i kishin dëmtuar gomat e veturës.

Të dyshuarit : XH.H ( M/K) i moshës 75 vjeçar dhe SH.H ( M/K) i moshës 48 vjeçar janë shoqëruar në stacionin e policisë në Ferizaj dhe pas intervistimit nga hetuesit policorë, me vendim të prokurorit të shtetit janë ndaluar në mbajtje për 48 orë, për procedura tjera hetimore, ndërsa si provë materiale është sekuestruar edhe një kaçavidë, me të cilën dyshohet se është përdorur në këtë ngjarje.

Rasti është cilësuar ‘’ Lëndim i lehtë trupor’’.