Arrestohet superyllka e PSG-së: Organizoi rrahjen brutale të bashkëlojtares për t’i zënë vendin në 11-she

Mesfushorja e PSG-së dhe Francës, Aminata Diallo është marrë nga policia në mbajtje pasi dyshohet se ka orkestruar një sulm në bashkëlojtaren Kheira Hamraoui.

Sipas ‘L’Equipe’, Diallo u arrestua më herët këtë mëngjes pas një sulmi të dhunshëm në Hamraoui më 4 nëntor, transmeton Periskopi.

Atë natë, Diallo raportohet se e dërgoi Hamraouin me veturë në shtëpi nga një darkë e organizuar nga PSG.

Dy burra të maskuar u shfaqën, e nxorën me forcë Hamraouin nga vetura dhe thuhet se goditën këmbët e saj vazhdimisht me një shufër të hekurt.

Sulmi potencohet se zgjati disa minuta para se dhunuesit të iknin. Hamraoui u dërgua në spital, ku mori qepje në këmbë dhe duar.

31-vjeçarja nuk mundi të luante për PSG-në në fitoren 4-0 kundër Real Madridit në Champions Leaguen e grave dje. Diallo ishte në 11-shen startuese.

Është thënë se Diallo mund ta ketë orkestruar sulmin në Hamraouin, pasi të dy këto futbolliste luajnë në pozitën e njejtë.

Të dyja gjithashtu garojnë për të njejtin vend në Kombëtaren e Francës. Hamraoui, një ish-lojtare e Lyonit dhe Barcelonës, u ftua në Kombëtare në tetor. Kur një lëndim e detyroi të tërhiqet, Diallo u ftua në vend të saj në skuadër.

Në një komunikatë, PSG dënoi sulmin në Hamraouin dhe vuri në pah arrestimin e Diallos. /Periskopi.com/

Breaking | PSG & France teammate Aminata Diallo in police custody on allegations of attempting to physically injure Kheira Hamraoui to eliminate her in competition for places by having two masked men drag Hamraoui out of her car & punch & hit her legs. More follows. (L’Éq)

— Get French Football News (@GFFN) November 10, 2021