Armando Broja pritet të startojë ndaj Arsenalit
Sulmuesi shqiptar, Armando Broja është ndër emrat më të përfolur te klubi anglez, Southampton. Në tri ndeshjet që ka startuar në “St Mary’s”, Broja e ka gjetur golin dhe tani trajneri Hasenhuttl mendon se është koha që t’ia bëjë “sefte” edhe në udhëtim.
Një gabim i portierit McCarthy i kushtoi dy pikë Southamptonit, që po kryesonte 1-0 ndaj Brightonit, por pësoi një gol në minutat e fundit shtesë dhe mori vetëm një barazim 1-1.
Armando Broja shënoi golin e vetëm për Southamptonin duke u dhënë avantazhin në pjesën e parë dhe pikërisht për këtë arsye, trajneri Ralf Hasenhuttl pritet t’i japë një tjetër shans si titullar, në përballjen e nesërme ndaj Arsenalit në “Emirates Stadium”.
Southamptoni pritet të startojë me dyshen Broja – Che Adams në sulm ndaj Arsenalit, ndeshje kjo që luhet nesër me fillim nga ora 16:00.
