Armando Broja po rikthehet, sulmuesi shqiptar fillon stërvitjen individuale pas rreth katër muajsh
Armando Broja ka nisur stërvitjen individuale pas rreth katër muajsh.
Këtë lajm e ka bërë publik vetë sulmuesi shqiptar i Chelsea-t në një postim në rrjetet sociale ku shfaqet në palestër, ndërsa shkruan: “Rikuperimi”.
Broja është jashtë fushës së blertë që nga 11 dhjetori i 2022-shit, ndërsa u dëmtua në minutën e 25-të të ndeshjes miqësore së Chelsea-t me Aston Villa-n, ku këputi ligamentin e gjurit.
Ende nuk dihet se kur do jetë gati për t’u rikthyer në fushën e blertë, por rinisja e stërvitjes është një lajm i mirë.
