Antibiotikët po mbi përdoren, ja rreziku i madh
Sfidë e shëndetësisë në shekullin 21 është rezistenca ndaj antibiotikëve, të cilët ka tendencë të mbi përdorimit të tyre kudo në botë.
Ky ka qenë konkluzion i konferencës ndërkombëtare për infeksionet spitalore dhe rezistencën e antimikrobike, e organizuar nga Ambasadën Italiane në Kosovë në bashkëpunim me Ministria e Shëndetësisë.
Profesori universitar, Lul Raka, tha se në botë çdo 10 minuta përdoren 10 tonë antibiotik, por që në 50 përqind të rasteve ky përdorim është i panevojshëm.
Ai mori një shembull të një hulumtimi të Organizatës Botërore të Shëndetësisë, që nëse vazhdohet me këtë trend të mbi përdorimit të antibiotikëve do të ketë më shumë vdekje sesa nga kanceri.
“Nëse sot bota ecë me trendin e keqpërdorimit të antibiotikëve në të gjitha nivelet atëherë një hulumtim i Organizatës Botërore të Shëndetësisë ka parashikuar një ogur të zi se në vitin 2050 nëse ecim me këtë trend më shumë njerëz do të vdesin nga infeksionet me mikrobe rezistente sesa nga kanceri. Nëse vazhdojmë t’i keqpërdorim antibiotikët ashtu siç jemi duke i keqpërdorur sot”, tha ai.
