Ancelotti mund të largohet nga Reali, shtohet zërat për një kalim në Arabinë Saudite

Carlo Ancelotti foli për ngritjen e Arabisë Saudite në futboll dhe ndikimin e saj në klubet evropiane. Ai gjithashtu foli për mundësinë e punës atje në të ardhmen.

Trajneri italian nuk ka përjashtuar mundësinë për të drejtuar ndonjë klub nga Arabia Saudite në të ardhmen e afërt, para pensionimit.

“Situata e Arabisë Saudite nuk duhet të jetë befasi. Ata janë duke pritur Kupën e Botës 2034 dhe janë në një moment konkurrues, megjithëse më pak se Evropa që nga sot. Por në të ardhmen, do të shohim”, ka thënë fillimisht Ancelotti.

Kur u pyet nëse do të konsideronte një ditë të jetë trajner në Arabinë Saudite, Ancelotti u përgjigj: “Pse jo? Nëse dua të qëndroj në futboll, pse jo?”

Real Madridi do të përballet me Osasunën më pas, me Ancelottin të fokusuar në mbajtjen e skuadrës së tij në krye të La Ligës.