Periskopi

Ambasadori amerikan: Jam i kënaqur që Qeveria hoqi masën për mallrat që hyjnë nga Serbia

08 Oct, 15:33

Ambasadori i SHBA-së në Prishtinë, Jeff Hovenier, ka thënë se SHBA e mirëpret vendimin e Qeverisë së Kosovës për heqjen e ndalesës kufitare për mallrat që futen nga Serbia.

Hovenier e ka quajtur si hap të rëndësishëm dhe të duhur për Kosovën në rrugën drejt integrimit.

“I kënaqur me vendimin e Qeverisë së Kosovës për heqjen e ndalimit për mallrat e gatshme të importuara nga Serbia. Ky është një hap i rëndësishëm në drejtimin e duhur për Kosovën në rrugën e tij drejt integrimit europian. Ne vlerësojmë partnerët tanë ndërkombëtarë për përpjekjet e tyre të vazhdueshme për të promovuar tregtinë e lirë në rajon”, ka shkruar Hovenier.

Pleased by the decision of the Government of Kosovo to lift the ban on finished goods imported from Serbia. This is an important step in the right direction for 🇽🇰 on its path towards European integration. We appreciate our international partners for their continued efforts to…

— Ambassador Jeff Hovenier (@USAmbKosovo) October 8, 2024

Ndërkohë, ministri i Punëve të Brendshme Xhelal Sveçla, gjatë ditës ka thënë se edhe pikat tjera kufitare me Serbinë, pas asaj që është hapur në Merdarë, do të hapen për të gjitha mallrat në momentin kur skanerët me rreze X do të bëhen funksional në to.

Pas zhbllokimit të mallrave në pikën kufitare në Merdare nga Qeveria e Kosovës, Gjermania ka vënë përsëri në ‘tryezë’ skanerët e teknologjisë së lartë për kontrollin e mallrave në kufi me Serbinë dhe sipas paralajmërimeve pritet të vijnë në Kosovë “sa më parë që është e mundshme”.

Shpërndaje në: