Ambasada e Italisë: Përkushtimi për Kosovën më i fortë se kurrë, jemi shteti lider me ushtarë në KFOR
Ambasada e Italisë ka bërë një reagim në llogarinë zyrtare në “X” pas mbajtjes së Konferencës “FSK dhe partnerët” duke thënë se përkushtimi ndaj Kosovës është më i fortë se kurrë.
Në këtë reagim tutje thuhet e Italia është shteti që ka më së shumti trupa në kuadër të KFOR-it, gjithsejtë 1 mijë e 65.
Ambasada italiane ka përmendur edhe ndihmën që i jepet fuqizimit të FSK-së në sektorë të ndryshëm.
“Përkushtimi ynë ndaj RKS është i fortë si kurrë më parë. Me 1065 trupa italiane, ne qëndrojmë me krenari si kontingjenti më i madh kombëtar i KFOR-it, me ekspertët tanë në terren, duke ndarë praktikat më të mira dhe duke fuqizuar FSK-në në shumë sektorë”, thuhet në njoftimin e Ambasadës së Italisë.
🌟 25 years & still going strong! 🇮🇹 Our commitment to RKS is as strong as ever. With 1,065 Italian troops, we proudly stand as the largest KFOR national contingent, with our experts on the ground, sharing best practices and empowering KSF across multiple sectors. 💪 pic.twitter.com/7kkUr7SbV0
— Italy in Kosovo (@ItalyinKosovo) October 4, 2024
