Ambasada e Finlandës në Kosovë: Po e monitorojmë situatën nga afër, qëndrojmë krah Kosovës në përpjekjet për hetim
Ambasada e Finlandës në Kosovë e ka dënuar sulmin në kanalin e ujit në Zubin Potok, duke theksuar se është thelbësor për furnizim me ujë dhe funksionimin e termocentraleve.
Nga kjo ambasadë kanë thënë se po e monitorojnë situatën nga afër dhe se qëndrojnë krah Kosovës në përpjekjet për hetimin e rastit, raporton Express.
“Ne dënojmë fuqishëm sulmin në kanalin e ujit në Zubin Potok që është thelbësor për furnizimin me ujë të Kosovës dhe funksionimin e termocentraleve të saj. Ne jemi duke e monitoruar situatën nga afër dhe qëndrojmë me Kosovën në përpjekjet e saj për hetim”, thuhet në postim.
