Në emisionin NIN në Klan Kosova, artistja shqiptare tha se virusin Covid-19 e kanë hedhur me aeroplanë në Amerikë, shkruan lajmi.net.

“Unë mendoj se ai virus kur u hodh në fillim, sepse ai është hedhur me aeroplanë, e kanë shkatërruar botën, ka qenë shumë intensiv dhe shumë i fortë dhe unë e kam përjetuar shumë keq, kështu që të kenë shumë kujdes njerëzit, sepse nuk është shaka. Sepse këtu thonë njerëzit ‘A shaka është, grip është, jo nuk është e vërtetë, është një virus që për ata që kanë një imunitet të dobët mund t’iu lërë pasoja nëse shpëtojnë, po mund t’jua marrin edhe jetën”, ka thënë ajo.

Albërije Hadërgjonaj ka vite që jeton në Amerikë tash dhe sipas saj virusi është diçka e orkestruar dhe jo e zhvilluar në formë natyrale.

Tutje ajo shton se ka qenë ndër të parat kur u infektua me virusin korona në Amerikë në muajin shkurt të vitit të kaluar kur virusi sapo kishte filluar të përhapej në botë.