Alaba tregon spektakël në dhomën e zhveshjes pas fitores ndaj Chelseas

David Alaba ka qenë protagonist pas kualifikimit të Real Madridit në gjysmëfinale të Ligës së Kampionëve.

Futbollisti austriak kontribuoi në eliminimin e Chelseat në çerekfinale, edhe pse “Blues” e fituan ndeshjen e kthimit në Madrid, 3:2.

Dhe, pas lojës, në dhomat e zhveshjes ishte koha që ish-futbollisti i Bayern Munichut të dhuronte spektakël.

Fillimisht, ai dëgjohet duke thënë se “shpirti i këtij ekipi është i pabesueshëm”.

David Alaba was every Real Madrid fan after they beat Chelsea ?

(via @realmadrid) pic.twitter.com/iO7afFSCHv

— ESPN FC (@ESPNFC) April 13, 2022

Më pas, atij i afrohet Luka Modric dhe Alaba e lavdëron mesfushorin kroat: “shikojeni këtë djalosh, shikojeni këtë djalosh. Është 36 vjeç”, shton qendërmbrojtësi, duke mbetur i mahnitur me paraqitjen e Modricit, përkundër moshës së shtyrë.

E më pas, qershia mbi tortë. Alaba fillon të vallëzojë dhe kërcimi i tij përshëndetet dhe duartrokitet nga shokët e skuadrës.

Pra, tek Real Madridi është duke mbretëruar një atmosferë e shkëlqyeshme.

“Los Blancos” janë në rrugë të mirë për t’u shpallur kampionë në Spanjë dhe po ashtu i janë afruar edhe titullit të 14-të të Ligës së Kampionëve.