Aktorët në ceremoninë SAG Awards, me komente mbi politikat e Trumpit (FOTO)
Mbrëmë është bërë ndarja e çmimeve për Screen Actors Guild (SAG) ku çmimin kryesor e ka fituar filmi “Hidden Figures” çfarë edhe ka qenë surpriza e kësaj nate të mbushur me komente mbi politikat e presidentit Donald Trump mbi imigrimin. Fillmisht aktori Simon Helberg dhe bashkëshortja e tij Jocelyn Towne e cila është aktore, dhe regjisore kanë përdorur ceremoninë Actors Guild Awards për tu shfaqur në tepihun e kuq me banera kundër presidentit Trump.
Ylli i filmit “Big Bang Theory” gjatë parakalimit ka mbajtur mbishkrimin “Refugjatët janë të mirëseardhur” gjersa mbishkrimi “Lëreni ata Brenda” i shkruar në trupin e aktores Towne rrinte si një gjerdan në qafen e saj. Helberg and Towne ishin të parët që kanë biseduar lidhur me ndalimin e udhëtimit në tepihun e kuq, mirëpo fjalimet u shtuan gjatë ndarjes së çmimeve.
Në ceremoni theksimi i kësaj çështje erdhi fillimisht nga moderatori i shfaqjes Ashton Kutcher i cili e filloi mbrëmjen duke përshëndetur “të gjithë që janë në shtëpi dhe të gjithë që janë në aeroport e që i përkasin Amerikës”. Të premten, presidenti i Shteteve të Bashkuara të Amerikës Donald Trump, ka nënshkruar një urdhër të veçantë i cili u ndalon hyrjen në SHBA për shtatë vende me shumicë myslimane, përcjellë KultPlus.
“Ne jemi në një kohë të vërtetë të ndërlikuar në vendin tonë dhe gjërat janë shumë të pafalshme dhe të frikshme,” ka thënë Emma Stone, gjersa ka pranuar çmimin aktorja më e mirë për La La Land. Kurse aktori Mahershala Ali, i cili është mysliman ka biseduar për besimin e tij gjersa ka fituar çmimin për aktori më i mirë në rol mbështetës për filmin Moonlight.
Gjithashtu kishte brohoritje për aktoren Taylor Schilling kur ajo e përshkroi kastën fituese në “Orange is the New Black” si “një grup i njerëzve që janë të ndryshëm dhe që përfaqësojnë gjenerata të familjeve që kanë ardhur në kërkim të një jetë më të mirë në Amerikë”.
Në kategorinë e filmave kanë fituar: Denzel Washington për rolin kryesore në “Fences” dhe Emma Stone për rolin kryesor në La La Land, pastaj Mahershala Ali në Moonligh rolin mbështetës më të mirë,kurse në kategorinë e femrave Viola Davis në filmin Fences. Çmim ka marr edhe filmi “Hacksaw Ridge” kurse çmimin kryesor e ka rrëmbyer filmi “Hidden Figures”. Në anën tjetër në kategorinë e serialeve dhe programeve televizive kanë fituar Sarah Paulson me serialin “The People Versus OJ Simpson”, dhe Bryan Cranston për serialin “All the Way” në kategorinë e aktorit më të mirë në rolin kryesor, kurse për serialin me të mirë dramë kanë marr çmim John Lithgow dhe Claire Foy për “The Crown, kurse për serialin- komedi kanë fituar William H Macy me “Shameless” dhe Julia Louis-Dreyfus me “Veep”. “Strange Things” ka fituar çmimin me të mirë si serial-dramë, “Orange is the New Black” për serial-komedi, dhe “Game of Thrones” për serialin më të mirë dramë-komedi. /KultPlus.com
