Aksidentohet një autobus në Ankara, nëntë të vdekur e 26 të lënduar

Një aksident tragjik ka ndodhur në Ankara, ku një autobus është përplasur me shtyllën e një ure, duke shkaktuar vdekjen e 9 personave dhe plagosjen e 26 të tjerëve.

Sipas raportimit të Anadolu Agency, rasti ka ndodhur kur autobusi ishte në rrugë nga Izmiri për në qytetin Agri, ku humbi kontrollin dhe u përplas me urën në afërsi të fshatit Olukpınar, në orët e para të mëngjesit të së premtes.

Shkak i aksidentit i gjithë aksesi në rrugën e përfshirë është mbyllur.

Ekipet e zjarrfikësve, që mbërritën në vendngjarje, shpëtuan ata që kishin mbetur të ngujuar në autobus, ndërsa të plagosurit u dërguan me ambulanca në spitalet e zonës për trajtim të mëtejshëm.

Ministri turk i Drejtësisë, Yılmaz Tunç, ka bërë të ditur se ka nisur hetimi për aksidentin dhe janë caktuar tre prokurorë publikë në hetim nën koordinimin e një zëvendëskryeprokurori publik.